**********************
طرح سامان دهی گداهای سنتی
**************************
(مقدمه)
********************
گویم حالاکی دولت خدمت گذار همه چیزانا-ساماندهی بوکوده -از
حیوانات وحشی واهلی بی گیرتاآدمان وخوردنی جات-وموادسوختی
حتی نوع وطرز پوشاک براران وخاخوران-زاکان وزوکان تا میوه
جات-وکسی حق ناره موزا-درانظارعموم پوستا کونه-هم خلاف عفت
عمومیه-هم مغایر با طرح تامین امنیت اجتماعیه -ممکنه عی تابنده
خدا-بیخبرازهمه جا-با پا بوشه پوست موز-رو-بعد با کله بوشو داخل
جو(-رو وجو ناخبره خوره قافیه جوربامو)-مرایاد باموازکوچیکانی
کی می اقاجان خدابیامرز-گفتی پسرتانی پنج بارتندتندبوگویی -
{گوشت بوزا-خورم--بوزه گوشتا خورم}.منم بی خبر ازهمه جا
بخاطراینکی می زرنگی یا-اونا ثابت بوکونم-گازا تخته کودیم بطرف
معما-دوسه بار کی پوشت سرهم گوفتیم-عی بار-متوجه بوهوسیم
(میشدم) کی همه کراخندخد-خودشم ازخنده غش کودی؟!وقتی
اوشانه خنده دعییم(می دیدم)-تازه متوجه بوهوسیم کی چی دسته گلی
کرا اب دهما؟!یادش بخیر!درمورد طرح سامان دهی گوفتان دوبوم؟!
حتی سامان دهی پوشش خانمان واقایان-پسران ودختران-وزاکان
واسی (باید)در خیابان فرم خاصی خلاف ملاف دوکوند تقریبا"مثل
اونی فرم!هرکس هرجای دنیا بی دینه-بفهمه کی اون زن یا مرد ایرانیا؟!
حتی اوشان زاکان هم باید خوشانه پیرومارامانستن لباس یکدست
بپوشد تا معلوم ببه-خوشانه پیروماره زاکادا-؟!
************************************
(قسمت اول)
*******************
شاید سوال بوکونید چتو بوبوستا کی -بفکر طرح کلانی مثل طرح
سامان دهی گدایان دکفتایی یا؟؟؟؟؟؟؟!اهان-الان شومه ره گویم
چندروز پیش می سرا-یهو حدود بزا بوشم تا حرم امامرضا"ع"
اخرین باری کی مشرف بوبوستام حرم پاک مراجهخاطرا(فراموش )
شه--تقصرمن نیه-مشتی باد(باد مشهدی ها) مرابوخورده -من
تابحال کی ده-یازده ساله مقیم مشهدم-نه بیدامه-نه بیشناوسام
گی مشهدی جماعت بوشوزیارت؟!یکی دوتا ازمی همکارانه کی
مشهدیه ضق ضقد(اصل) جا سوال بوکودام-موضوع حرم نوشانا-
تایید بوکودان؟!عی تا دلیل خیلی خیلی مهم هم مره باورد-چیه؟!کی
خوشان برای رعایت حاله زوارانه محترم نیشیما-تا اوشان کی جراهه
دورودراز باموییدا-راحت ببوهدا(باشند)-اقا هایاعیسا یا(هست)
خوشانم هایا(همینجا)-بوگوفتام پس شومان کی شید حرم انشاالله؟
خودوروبرا نیگاه بوکود-بیدی فقط من واونیما-نامحرم کسی نی
سا یا(نیست)-بوگوفت امان کی عایا-خانه زادیم؟!اصلا"نی شییم
مبادا ترابلا بی گیره بی شی-زوارانه جایا تنگا-کنی؟!-ازامان یاد
بیگیرهروقت کی من اززیر گذر حرم ردا بم-عی تا عشق اللهی
رسانم به اقابیدام زیادم بیراه نگه-خاطرهمون خیلی وقته نوشابوم
-تا امروزبیدام نه می دیل خیلی پوره وقتی شی حرم-عی تا حسنه
خوبی کی داره انقدر گرفتا رودرمانده فراوانه کی تی درد ترا-
فراموشا به؟!خلاصه دیلا به دریا بزیم وبوشام-حرم؟!بگذریم کی
ازبدو-ورود تی چوم دکفه به گنبد طلا-تی نگایا-عینه کبوتران پرا
دهی -به اون دور دوران-تازه کرا شی تو ذن-کی متوجه بی عی
تا ادم هیکل مند؟! تی دوشه اوپلا-کراکندان دره-واونه دست
دیگرم تی جیب دره-کراتی کش وپیله یا واموجه(تفتیش جیب )
اصلان ترا به سر دینه-کی اول باید بازرسی بدنی بوبوهی ؟!هیچی
خیلی راحت-تس ذنا بهم زند--بعداز بازرسی -تره باریکا بوهی
همراهه جمعیت شی داخل صحن اسمال طلا؟!کلی تلاش کنی تا همهمه
جمععیتا-یک جورایی بنهی دیمه(کنار)۰تاحدود زیادی هم موفق
بی اما..چندتا گدای سمج مثل کنه مرا بچسبستایید(چسبیدند)
خداتی زاکا بداره الهی بشی زیارت مشهدالهی تی سفر بی خطر
بوبوهه-الهی عی سال بکنی ده سال بوخوری-الهی-الهی ..واگر
دستادم -طرف اوشان بیدام سه چهار نفرد-عایا دس بجیب ببی
-بیچاره یی؟!هی من شیمه-هی اوشانم می دنبالا-اموندوبود؟!
دوتا زن باعی تا مرد دوتا طفل ده دوازده ساله پسرودختر-بنظرم
اعضای عی تا خانواده بود-من مره اوتو تقسیم بندی بوکودام
کی مرداک با خو زنو خو زن مارودوتا زاکان-همه باهم خانوادگی
درتلاش معاشد-بیدام چاره نیه کرا فارسم نزدیک پنجره چوبی
واوشان هنی(هنوز) مرا دس نکشاده؟هرچی به درب ورودی نزدیک
ترا بوستیم(می شدم)-اوشانه قال مقال وتقلا هم ویشترا بوسته-
چون دانستیده کی هادم هودمه(چیزی نمانده)من وارد کفش کنی
بوبوهم-وبزنم به جمعیت -دع مراپیداکودان کارحضرت فیله!
می عی تا پایا-بنام داخل گودی زیرطاق نما-کی ازسطح صحن کمی
فرورفتگی داره؟!بیدام زاکان ازپشت می کت لبه یا-بچسبسادکرا
می تعادلا بهم زند پسا قوس(برگشت به عقب)بوکادام-طوری مره
غیضا گیفتابو-می دسا لبله(چرخوندن) بوکدام چنان سبیل توکی
(تودهنی با انگشتان دست)بزام پسربچه یا-کی می دسه انگشتان
پوفابوست(بی حس شد)-باتعجب بیدام خنده مرا کره غش کونه
هاتوخنده مراروبه خوخانواده بوکود بوگفت عموجان برگشت
عموبرگشت؟!اونه پیرومارهم خنده مراغش کودان دوبود-بیدام
اون ده خنده نیه؟!ازگریه یم بدتره-دس به جیب بوکودام -می
پولا نا-باانگشت دست هی لمس گوده مه-دنباله عی تا صد تومنی
گردستمه-چند تا پنج هزارتومانی هسته ایی -داشتیم همش دکفته می
مشت درون-بیرون باموبی -اونه کلک کنده بو؟!مرداک مرابوگفت
چکارمیکنی زودباش دیگه دیرت شد؟!مگه نمیخوای بری زیارت؟!
راست گفته-خیلی عادس -اودس کودان دوبوم-کرا-مرا
دیرا بوهوسه؟!هاتو کورم کلاچم(بی احتیاط)عی تا اسکناس لای
پولان باوردام بیرون-مطمین بوم پنج هزاری نیه-؟!چون لایی
فاکشابوم(کشیده بودم)درست موقعی کی اسکناسه گوشه کراازمی
جیب بیرون امون دوبو-می چومانیم ایزگیری(نیمه باز)به می شلوار
جیبه بدوختام-ناگاه(یکهو) پول درشت نوبوهه؟!اوشانم همه
خانوادگی می جیبا لبه یا نیگا-کوداندوبود-می سروصورت ازشایی
ورامست(بشاش شدم) مرداک خوصورتا-با اخم ازمن واگردانی
(برگردوند)-صدتومومنی یا-واجب بو-فادهم اونه پسربچه یا-کی
لبخند ملیح کی بابت سبیل توکی اونا بزابوم -هانی(هنوز) اونه
لبه رونهابو-تا اونروز نیدابوم کی سبیل توکی هم خنده بداره؟!صد
تومانی یا-فادام پسربچه یا-خواستیم بوگویم-نصف تو نصفم تی خاخور
اما مهلت ندا-پولا-کی فاگیفت بدوا گیفت-بوشووسط صحن توجمعیت
گوما بوست؟!مرداکا-بوگفتام-هروقت باموپنجاه تومون-فاگیری فادهی
تی دختر بچه یا؟!مرداک خو گازا-شاهالا(شغال)مانستن بازا کود-
بوگفت اون دیگه برنمیگرده؟!دوما"اون داداش این دختربچه نیست؟!
بوگوفتام بعنی چی؟!دوتا زن گرفتی؟!بوگوفت بابا من مجردم-زنم کجا
بوده-زودباش دست بجیب کن دیگه-توعمرم ادم کنس مثل توندیدم
اونکه بچه ما نبود-همینجوری باما همکاری میکنه گاه گداری؟!
بفهمستام کی اوشان چیره همه ازمی سبیل توکی خنده کودده؟!
پسربچه وقتی بیدی من ادما-اوجور زنما-بهفست کی می خون
جوش بامویا؟!اگرگریه بوکونا-ممکنه دوسه تا دیگه اونا جدخما
(بچسبونم تو گوشش)-با خنده خنده هم می غیضا-بی نیشانی؟!
هم خوعذرخواهی یا-نشان بدا-یانی خوکرا خجالت کشه ما؟!
(معلومه ازون کتکان خیلی بوخوردابو پوست کلفت بوبوستابو)
بقیه هم خنده کودید-چون اوشانه جان کی نوبو-اوشان زاک هم کی
نوبو-می واگردستنه ره خنده کودید-کی درواقع پیروزی طفل بو
وخودشان؟!کرا می پایا نمه فرورفتگی طاق نما زیر-کی وارد
کفشداری ببم-یارومرادچارا بوست-اقای عزیز خجالت بکش
کمک نکرده کجا داری میری؟!اینهمه دعا ثنا-درحق توکردیم
مجانی؟!گفتم-چی دعایی درحق من کردی؟!گفت گفتم خدابچه ات
را نگهداره-گفتم بابا بچه ام کجا بوده-گوفت زیارت مشهد چی ؟!
گفتم بابا-مگه همینجا مشهد نیست؟!نکنه اینجا قم ه-گفت مرده
حسابی توهنوزفهم دعایی کی درحق تو میکنند رو نداری؟!الان
ازکیه میخوای بری زیارت نمیتونی-بخداقسم اگر توفیق نداشته
باشی-یکمتری ضریح هم برسی سکته میکنی-توالانه که احتیاج
فراوان به دعا داری!کرا می روحیه یا ضعیفا کوده-محال ننام
حرکت بوکودام-بلندبوگوفت الهی اتوبوست بره ته دره؟!بوگوفتام
بابا من جایی نمیخوام برم من اهل همنجایم-؟!فهمیدی یانه-؟!
ده ساله سواراتوبوس نشدم؟گفت فهمیدم باهواپیما اومدی-انشاالله
موقع برگشت هواپیما سقوط کنه-خون ازدماغ کسی نیاد گناه دارن؟!
زوارامامرضا "ع"اند!!فقط تو سقط بشی؟!محل ننام می دیله درون
بوگفتام-مردن وسقوطی درکار ببه-کسی زنده نمانه؟!ملحق به جمعیت
بوبوستام بوشام شیمی جا خالی تا فارسام-یکمتری ضریح؟!!به به؟!
چی ازدحامی بو-مردم-خوشانا همه چیا-دست بکشه-بچسبستابود
به ضریح-بعضی کسان فکرکودید هرچی محکمتر بچسبد به ضریح
زودتر خوشانه حاجتا فاگیرد-غافل ازاینکی اون اهن وقفل وبست
وپارچه حاجت فاندد-باید تی دیل پاک ببه-اگرتی روح بی الایش ببه
-ازهزارکیلومتری هم حاجت روا بوهی به اذن خدا وخواست امام
بشرطی کی تی خواسته یم مشروع ببه؟!
************************
(قسمت دوم)
******************
طوری مردم شور واشتیاق زیارت داشتید کی دورازذهن بوگاه
گداری صدای زیروبم دارمردی کی صلوات ازجمعیت زایرطلب
کوده-رشته افکارکسانی را کی دوست داشتید لحظه ای دررویا با
امام خلوت بکند ودورازگوش ودل نامحرم به رازونیازبنشیند-پارا
کوده.خدادانه چقدرمن تلاش بوکودام تا به چنان حالت بیخودی برسم
وازعالم مادی خارجا بم؟!اما دانم کی سرانجام موفق بوبام-روبروی
ضریح بااحترام بعیسم(بایستم)-وبااودریک خلوت خدایی-به رازونیاز
بنشنیم-قطرات اشک بی اختیارازمی چومان سرجیرابوسته وحرفهای
محرمانه-کی اتشین وسوزناک بو-غیرازون درگاه-جایی قابل مطرح
کودن نوبو-به ارامش عجیبی برسابومودوست داشتیم تا قیامت درهمان
حال وهوابمانم وهرگزبه عالم مادی برگشت نوکونم-همانقدرکی امام
بتانستابوچنین حالتی درمن ایجاد بوکونه-بسیارارزشمندبو-ومن یا
هرکسی درچنان جوی قرار بیگیره بی محابا-تمام اسرار درونی ورازهای
مگوی زندگی خودشا بدون نگرانی وخجالت -وداشتن عواقب سو-و
دلهره ازافشای ان -به سبکباری رسه؟!وجای دیگرفرصت چنین
راز ونیازی برای کسی مقدورنبه؟!غرق درعشق وهمدلی بوم کی
زمزمه درگوشی-رشته ارتباط عمیق وگرانبهای مرا با ان نازنین بهم
بزا{-جوان معلومه که خیلی باطنت زیباست-که به چنینن رابطه
زیبا-دست پیداکرده ایی-کاش ظاهرت راهم با باطنت هماهنگ
میکردی که ظاهرت زننده است}درحالی کی باغیض وخشم می
ارسویا(اشک)پاکا کودان دوبوم-متوجه بوبوستام-عی تاشیخ
سگه چوم مرا درگوشی متهم به باطن پاک وبی الایش وظاهره
زشت وزننده بوگوده ازباب امربه معروف ونهی ازمنکر؟!
منظورش ااز ظاهر زننده من؟! نداشتن ریش بو؟!وصاف و
صوف بودن صورتی که تیغ بزابوم؟!خیلی خیلی ازحرفهای شیخ
ناراحتا بوستام-شیخ وقتی می ناراحتی یا بیدی-بوگفت پسرجان؟!
منکه حرف بدی نزدم-همه افتخارمیکنند باطن زیبا داشته باشند که
الحمداالله تو داری-ظاهر نازیبای توهم-با کوچکترین اراده-یعنی ریش
نزدن وداشتن محاسن جبران میشه؟!چرااینقدرازحرفم ناراحت شدی؟!
وظیفه شرعی من امر به معروف ونهی از منکره؟!گفتم اولا" شما
بهیچوجه حق نداشتی رابطه من وامام رضا"ع" را بهم بزنی
وبه همین راحتی رشته گرانبهایا که باهزارجهد وتلاش به دست
باوردا- بوم- پارا-کنی؟!دوما"-تو-ظاهرت خیلی زیباست-اما باطنت
زشت وزندده است -درست برعکس من -به ادعای خودت؟!شیخ
خیلی ازمی گبان ناراحتا بوست-وبوگفت پررویی نکن-جوان یک
خورده شعورداشته باش؟!بگفتم تو بیشعوری نه من؟!که جایگاه-امر
بمعروفه نشناسی وبیخود درکارمردم دخالت کنی-اونهم بدون درنظر
گرفتن موقعیت افراد؟!بحث من وشیخ کرابجاهای باریک کشه-بیدام
الانه کی مرا به تحویل انتظامات حرم بدهه-چون اونا دروری زیاد
بوگفتابوم-کرامردمه شاهد گیفته -برای جمع کردم مدرک جرم علیه
من-بواسطه بی حرمتی با-ماموران الهی امربمعروف-؟!۱پیش
دستی بوکودام-اونا با تشروتهدید بوگفتام-حاجی تو اگرمردی وسر
حرف خودت هستی همینجا باش تا من برگردم؟!با گفتن این حرف به
طرف صحن وکفشداری حرکت بوکودام-اونم با صدای بلند بگفت برو
هرغلطی میخوهی بکن من اینجا منتظرتم؟!من طوری وانمود بوکودام
کی قصد عارض شدن ازدست اونا دارمه--باغیض وناراحتی وارد
کفشکن بوبوستام می کفشا فاگیفتام-با دستپاچگی پاکودام-دوتا پا
داشتیم دوتا پاهم قرضا کودام فرار؟!وارد صحن دیگر بوبوستام
مبادا مراپیدا بوکونه-چون اتهامی کی اون به من وارد بوکودابو
سنگین بو-درگیری با-ماموران امر بمعروف؟!واتهامی کی من به
اون وارد بوکودابوم درعین شباهت فراوان به یک جنایت هولناک
(اختلال دررابطه عاشق ومعشوق)ارزش مادی ناشتی وبعنوان یک
جرم قابل پگیری نوبو؟!باوجودیکه درصحن دیگروارد بوبستابوم
وشلوغی جمعیت بهترین جا برای اخفای من بو-اما بازم می دیل شور
زه-مباداشیخ بایه مرا پیدابوکونی؟!چون می جرم الان دوتا بوبوستابو
عی تا اهانت به اون-دومی هم فرارازچنگش با توسل به نیرنگ
(مردی همینجا باش تا من باماموربرگردم)به قصد فرارازمخمصه؟!
ازصحن هم نتانستمه بوشوم بیرون چون با عزیزی دران مکان
قرار داشتیمه-؟!هنوز درهمون حال وهوابوم کی صدای دعا
وثنای چند تا گدامی رشته افکارا پارا-کود-عجب کاری بوکودیم؟!هیچ
نقطه حرم ادم تامین جانی ومالی ناره؟!دع اصلا"تصمیم بیگفتابوم اگه
هر تا گدایی-خوسوسا(روده)فوکونه !یا-کایناتا هم -باوره بجیر؟!
انتیفه(اهمیت)ندخم-من عی تا گوشه بپا عیسابوم-می نگاها
-داخل جمعیت چرخ دمه-یک عده ازدرب بزرگ وارد صحن بیده
(میشدند)عده ایی دیگرهم ازون درب-خارجا؟!-عده ایی هم-کاری
حرم ناشتیده-فقط ازسمت خیابان شیرازی واردصحن بوهوسده
ازدرب بزرگ سمت بازارحاج اقا جان-خارجا بیده؟!عابربود وا
ازحرم به عنوان راه میانبر استفاده کودید؟!ولی درکل حرم انقدر
شلوغ نوبو-چون اکثرمردم بخاطرمدرسه- خوشان زاکان-درچنین
ماهی ازسفربه مشهد محرومد-درعوض بعداز پایان خردادماه واتمام
امتحانات وشروع تعطیلات تابستانی-ازهمه جای ایران بطرف مشهد
یورش اورد--صدای زمزمه گدایان-مانع من بو-هیچ فکر وذکری را
واناشتید به انجام درست وسرسامانی برسانم؟!می گوش پراز صدای
دعا دانه-والتماس واستثغاثه بو-حتی فحش وفلاکت هم بگوش من رسه؟!
مرتیکه نیم ساعته دارم التماس میکنم انگار نه انگار؟!اصلا"حواسش
نیست-نمیدونم به چی داره فکر میکنه-نکنه جیب بره؟!دومی که قبل
ازون دست خالی قصد دورشدن ازمرا داشته۰اونه گبا تاییدکوده-
علافه!حتما"نقشه مقشه ایی تو سرشه؟!گداهای رنگارنگ
ازجلوی دید من ردابوهوستید-یک نکته جالبی کی می توجه یا-جلب
بوکودابو-سر ووضع اوشان بو-کی برخلاف سابق اصلا"ژنده پوش
نوبود-باهمه مردم یکجور ویکنواخت لباس دوکودابید؟!بوگوفتام
بهتره عی تا ازاوشانا وابرسم؟!دیلا بزام به دریا-گبه سرا بازا کودم-
چون می حوصله حسابی سربامو-وقت اصلا"نگذشته-خصوصا"کی
منتظرببی؟!باید یکجوری می سرا گرما کودمه؟!گداهای جوراجور
-زن ومرد وزاک -درتردد بود- فقط ازاوشان چوم ونگاههای پرتمنا
گدابودنشان معلوم بوعی تا ازون ژیگول موگولانا-اشاره بوکودام
با سرعت سرسام آورخورا فارسانی -تا کسی دیگر زودتر ازون بمن
فانرسا؟!فکر کودی من صدقه ایی -وجه نذری امانتی از طرف
کسی-یا پولی درهمون راستا-دارمه؟!وقتی بمن فارسی-بوگفتام-اولا"
بوگو کجایی عی سی؟!هنوزمی سوال تماما-نوبوستابو-خودش بوگوفت
-الهی بمیرم؟!همشهریم؟!!به به-بزن قدش؟!تو عایا چی کونی؟!
کویا شینی بلا می سر؟!بوگوفت-"لادمخ"توکایا شینی؟!منم گوراب
زرمیخ؟!-دانی کویاعیسا؟!چتو نانم اقا؟!ترا بلا بیگفتا؟!واپرسام
-چطو تویکراست بوگوفتی لادمخ؟!گدابوگفت-دانی چیا -من وقت
نارم-کم حوصله یم -البته نه همه جا-درگدایی خیلی پرحوصله یم
اتفاقا"-تامن ترا بوگویم-گیلان؟!تو واپرسی-کویا گیلان؟!-من بگم
رشت-تو بگی کویا رشت؟!من بگم سمت تولم شهر-تو بگی کویا
تولم شهر؟!تمام گیلانا دور بزنیم-تازه فارسیم لادمخ؟!به نظرتوخورمه
کارنوکودام؟!مرگ عی بار شیونم عی بار-من گویم لادمخ؟!اگرنشناختی؟!
گویم سمت فومن-یا صومعه سرا؟!حتما" به نتیجه رسی؟!اگر نرسی
-ازاورا- اییم بوجور-چیره ازارا بیشیم بی جیر؟؟؟؟؟؟!
***********************
بوگفتام عجب فلسفه منطقی بلدی جان تو-؟!بوگوفت-امی شغل طوری
عی سه-کی با تمام اقشار جامعه درتماسیم-عی تا -هرکسه جلویا-تانه
گیفتان؟!گبه سرا بازاکودان-ازهرکس دو کلمه یادبیگیریم-دانی چی به یا؟!
سربه خدازنه؟!تازه شبان هم دبیرستان شم-چیزی نمانسته می دیپلما
فاگیرم؟!سواد درهمه کارخوبه؟!بوگفتام-افرین-توتنها کسی عیسه کی
بی دردسرتانی به همه می سوالان بی خجالت ودردسر جواب داعان
-اولا"بخاطر لباس وسرووضع؟!چیره الان گدایان همه شیک پوشد؟؟
بوگوفت اولا کی تاند-کورببه هرکی نتا نه -بی دی نه؟!بلانسبت البت؟!
دوما"گدایی جرمه؟!قبلا ماموران ازسرو وضع امان پی بوردید-گداییما؟!
الان د-شناختن گدا-برای مامورراحت نیا؟؟!دوما".؟؟!به مامورچی
االان ترا خوش بامه ازمن دوست داری دوسه هزار تومون تی همشهری
یا کمک بوکونی-ترا بخدا-عا-کارجرمه-شاه ره بمیرم-عاجورکارانه کار
ناشتی؟!عشان به همه چی کار دارد برار؟!من درعجبم؟!بوگفتام توتابحال
دستگیر بوبایی؟!بوگوفت تی بلا می سر-زیاد مکرر؟!قاضی مراجه خو
برار-خاخوربهترشناسه؟!چتودستگیر نوبام-من کلی مکافات بکشامه؟!
بوگوفتام بازم کی حیا نوکودایی-به کار خودت مشغولی؟!بوگوفت-اون دفعا
-قاضی ازمن تعهد فاگیفیت؟!گدایی نوکونم؟!مردمه جا پول فانگیرم-منم
تعهد بدام ازادا بوستام؟!هنوزدوهفته نوبوکی گیر بوکودام-قاضی
بوگوفت تومگراینجا تعهد ندابودی؟!بوگوفتام جناب-من به شما تعهد
دادم کی ازمردم پول نگیرم-مردم که به شما تعهد ندادند بمن پول ندند؟!
خودشان دادند جان تو!قاضی دالا بوست از می گبان-؟!بوگوفت پدر
سوخته برام فلسفه میبافی-پدرتو درمیارم-شش ماهه مراحبس فادا؟!
مامورکرابادستبند مره بورده-داد بزام قاضی سراینه ازدادی بیان!گب
خوب میزنم -ناراحت میشی؟!بخاطراینکی-حرف حق تلخه؟بوشام زندان
چندروزی نگذشت-متوجه بوبوستام-بهترین محل گدایی هویایا؟!همه گرفتار
-همه حاجتمند؟!هزاربارقاضی یا می دیله درون دعا دانه بوکودام-روزای
سه شنبه-زناک امویی وکیل اباد می ملاقات؟!هرچی اون درون زحمت
بکشابوم کاربوکودابوم-همه یا-دس بدست ردا کودیم خانه-البته
ماموران حق وحساب هم محفوظ بو؟!
هزار رقم گرفتاری زندان درون نها-کیفیت ونوع دعا دانه اویا با بیرون
کلی فرق کونه؟!همه کلام عی تا گدا-اثر گذاره؟!مثلا"الهی ازدابوهی
-الهی تی حکم اعدام بشکنه-الهی تخفیف مجازات فاگیری-عفو مشروط
-رفع بازداشت موقت-تا بتانی سند یا وثیقه بسپاری؟!الهی تی شاکی
خصوصی رضایت بدهه؟!الهی اولیا دم-ترا ببخشد-الهی تی همجرم
فراری دستگیر ببه-مال مسروقه کشف ببه-تو خلاصا بوهی؟!الهی
تی صاحب جنس قاچاق دستگیرببه؟!خلاصه پوله کی اویا عی تا
گداتانه جمع اوری بوکونه-غیراز کمکهای غیر نقدی-مثل فلاکس
وپتو و..؟!حسابی مره کرا گذران کودمه-می کیفرا با کیف تمام تحمل
کوداندوبوم-کی مدیر داخلی بفهمست -با قاضی هماهنگ بوکوداد-ازادا
بوستام؟!می زاکان طوری ازازادی من گریه کودید چی جور؟!می زناکا
بوگفتام-دستگیر بوبام-عی جور گریه کودیش-ازادا بوستام-عی جور
دیگر؟!زناک بوگوفت-نانی زندان امیره چی نعمته بزرگی بویا؟!
هم امی ابروبجا-بو-هم امی درآمد؟!دوباره باید بیشی خیابان گدایی-باز
می دیل شوربزنه مباداعی تا اشنا ترا بیدنا؟!تازه کرا به وضعت جدید
عادت کودمه؟۱هم من هم تو هم زاکان؟بعداونه جا سوال بوکودام تانی مره
بگی انگیزه تی گدایی چیه؟!بوگوفت مرا دیره-من کارو زندگی دارم پنجهزار
تومان حاضری مرا فادی٬تا تیره توضیح بدهم اگر نه کی خداحافظ؟!
ساعتی ده هزار تومنه-ولی چون امی همشهری عیسی نیم بها تیره
حساب کونم؟!امی معامله جورنامو-چون من اونا-بوگفتام صدتومن حاضرم
ترا فادام اونم بعدازپایان ماجرا-اونم قبول نوکود بی خداحافظی بوشو؟!
هاتوبه حرفهای اون فکر کودان دوبو-کی می گوشی زنگ بزا-می رفیق بو
-اونا ادرس فادام بایه صحن شیخ طبرسی-بعد بخاطراینکی می سرگرمابه
-ووقت زودتربگذره-تا می رفیق فارسه-هف هش تا سنگ قبرنهابو با
علامت-البته اوشان مزار تقریبا" پنجاه متر گودتروطبقات پایین نها-فقط
یک جورایی نشانه بوکودایید معادل ان بوجوردرکف صحن حضرت-نام
ونشانی از میت حک بوکودایید-اونم هرروز ماموران ایدنوشته منهدما کوند.؟
منم بوگوفتام حالا-چندتا فاتحه اخلاص بخوانم-تابوچوکا نیشتم می
انگشتا بنام سنگه سر-بیدام چها پنج تا انگشت دیگرمی انگشت کنار
فرودبامو؟!بفهمستم کی گدایان مرا محاصره بوکودادا.محل ننام -فاتحه
بدا وندا-بوشام سنگه قبردیگرسر-اوشانم همه می امرا بامود-پس از
چند لحظه بی انکه ازمی جا ویریزم -هتوبوچوکوا-نیشته بوشام قبر
دیگروقبردیگرو قبردیگراعی تا ناعلاجی فاتحه اخلاص بخاندام-انگشتان
هم همه می امرا بامو بید-=اخرین سنگا کی فاتحه بدام می کمرا راستا
کودام-می دستا طرف آسمان بیگفتام بوگفتام خدایا تمام امواتا بیامرز
-گداهان هم بعد ازمی دعا امین بوگوفتاد وبعد خوشانه دست گدایی یا
می چوم جلو درازا-کوداد همه به صف؟~بوگفتام چی بابا؟!چی شده؟!
گفتنددستمزد ماروبده-برای فک وفامیلات فاتحه خوندیم-گفتم-اولا"
اینجا که قبرستان نیست -یک تاتاکی (سایه)-ازامواته اینا-معلوم
نیست پدرشون کیه مادرشون کیه یک حسنی تقیی علیی-حک شده رو
موزاییک-بخاطراینکه فک و فامیلاش بگن ما دم کلفتیم.خدابیامرزا فک
وفامیل من نیستند من اصلا" اینجایی نیستم-طوری مرا-بد وبیره بوگفتاد
کی نگو ونپرس-مرتیکه نیم ساعته وقت مارو گرفتی؟!خوب ازهمون اول
چانه ات رو باز میکردی-لال که نبودی؟!بوگفتم-خجالت بکشید-شومان
اصلا"ازمن چیزی پرسیدید-بیخود کردید فاتحه خوندید-من گفتم-بخونید؟!
همه بوشاد عینفر ول کن معامله نوبو؟!مثل کنه مرا بچسبستابو؟!بوگفتام
پول میخوای؟!باید یک سوال منو درست وحسابی جواب بدی؟!چیره-گدایی
کنی؟٬؟درحالیکی-تی چهار ستون بدن سالیمه؟٬تی سرو صورت ماشاالله
ماشاالله انا شهوارا مانه؟!چی انگیزه ایی باعث بوبوست به ان شغل
رو باوری؟!بوگوفت-اولا" کی تو چی فهمی-گدایی چی یا؟!بوشو تی
کارمندی یا بوکون؟!دوما"ترسم تره مزایایه-ان شغلا-بازا کونم-ازکار
خودت یاغا-بوخی-بایی امی همکار ببی؟؟؟؟؟؟؟؟!
بوگفتام-ترا بخدا-نواگفتن کی-می جانه مو کرا سیخا به-تی زبان لال ببه
-من بایم گدایی؟!بوگوفت تقصیر ناری-خداشاهه من ازتو بدتر بوم-قبل
ازین کار-عی تا گدایا-دیمه-می دیل خواسته-اونه سرا گوش تاگوش
وابینم-تا موجب ابرو ریزی خو دودمان نبه؟!ولی بعد کی وارده کار
بوبوستام-افسوس می عمرا خورم کی ناحق بربادبوشو درکشاورزی
ودامداری!بوگفتام مگر کشاورز بی؟!بوگفت-دندان به جگربنه تا تیره
تعریف بوکونم-مگرخودت نوگفتی انگیزه-خوب گوش بوگون بلا می سر؟!
چهارده پونزدا سال پیش-من ازشهرخودم باموم زیارت-با زن وبچه
-اونم بعداز تابستان-وخرمن محصول؟یک هفته زیارت بوکودیم-می
جیبا درحرم امام رضا"ع" بزاد؟!بوگفتام درشهر غریب چی خاکی
می سر دوکونم-؟!یا اما رضا"ع" بدادمن برس؟!اونه معجزه ره بمیرم
بدامن برسی چی رسیدگی یی؟!زاکانا بنیم مسافرخانه-من ومی خانم-
شروع بوکودیم جمعیت درون دور زدن-هرکس خوره جداگانه؟!
هی زوارانه آه وناله بوکودیم-مشکلا-درمیان بنیم-تاظهر؟؟!ظهر
کی بوشام-مسافرخانه-می زنانه یم بامو-بهم برسیم-پولانه فوکودیم
وسط ؟!وبشماردیم؟!باورکودنی نوبو-ده برابرپولی کی ازاول سفر-
همرا ه داشتیمه-ویشتربو!؟می زنانه یا-بوگفتام-می جیبا زدن-کار
خدابو؟!-اون جیب زن ازغیب حواله بوابوعی تا ادم معمولی نوبو
-مطمینم؟دران جریان یک حکمتی نهابو؟!بیا-من شیمره بلیط فاگیرم
-شومان بیشید-من ایزه گدایی بوکونم سرماه بایم شهرستان-باغ
وبجارا-بفروشیم-باروکوچ بوکونیم بایم خراسان؟! هم اخرتا-بداریم
هم دنیا یا ؟!زناک بوگوفت تواصلا باغ وبجاره نگرانی یا داشتن نما؟!
من می آقاجان وپیلا براراعیسپارم-بنه هه بفروش-هروقت بفروخت
من زاکانا اوسانم با باروبنه عایم؟!ترسم تو بایی-ازتی کار دکفی؟!
دوما"الان تی روبترکسته-برای عی تا گدا-رو خیلی اهمیت داره
کی الحمدالله-مشکل امروز حل بوبوست-من بوگفتام -زناک خدا تی
پیرا رحمت بوکنه-راست گویی -خدا دانه می دستا برای اولین بار به
قصد گدایی بیگفتام مردم جلو-ازخجالتی کرا مردمه-دومی یک خورده
کمتر-نفر چهارمی پنجمی -کم کم مره نرمال ونرملال بوبوست
بیشناوستابوم-مشگل گدا-خانه اول ودوما-اما هرگز تجربه نوکودابوم
-امروز بفهمستام اون ضرب المثل چقدر نغر عیسا؟!تی حرفا
کربلا بزنی خوب گفتاندبی؟!زناک بگفت نوا-تی-کارجدیدیک دقیقه
تاخیربداره-دوباره ترسم غروربایه تی کله دورن-تازه تی عادی ببه
انقدرکشت وکاربوکودام-اونم بی مزد ومواجب-می استخوان پوچا-به
-تونم جه من بدتر-؟!من زناکا-بوگفتام حق باتویه؟!بوشوبه امان خدا
اما رضا امرا طلب بوکوده چی جور-فکرکنم سالها دعادانه بوکودی
ترا خواب نما ببوابو-مرغ امین گو درراه بو-۰حاجت روا ببی-اما
ازالان ترا بگم-بسلامتی خانه زنگی یا بفروختی بامی -باید خانه
داری بکنی-مبادا-تی طمعا دکفه بایی گدایی؟!زناک مرا بوگفت الان
دع موقع اون قدیمه گبان نیه-زن ومرد واسی دوش بدوش هم کار
بوکوند زحمت بکشد تا چرخ زندگی بگرده-ترا بخدا مرا مانع بوستان
نوا-بدا منم باید تی مانستن زحمت بکشم-من بوگفتام نه کی نه-می
غیرت قبول نکنه-اگر تصمیم داری-تی گبا سبزا کنی-پس منم نیم
-یاالله بیشم امی کارو زندگی سر؟~زناک تا بیدی کی من کرا
یاغا بوستاندان درمه-بوگوفت باشه به روی چشم هرچی توامر
بکنی -من خانه داری کنم چشب؟!وابالم تره بد بگذره شهرغریب ؟!
به لطف خداتاالان!دولت خوره بیخود کنه-هیچ پولی حلال تراز
-پول گدایی نیه-مردما-کسی مجبورنوکوده کی؟!خودشان با دیل وجان
امدادا-علم بوکوده مردم هرچی کمک کنه وصدقه فاده-هشتا د درصد
دولت شینه-کارمند ورییس ومعاون وریخت وپاش خودشان بیست
درصدشاید مردمه فادد نما-!مرابگو-تو-تی کلایا-محکم بداره باد نبورا؟!
وقتی گب زه-من مات ومتحیر اونا-نگاه کودیم؟!بوگفتام توعجب ماجرای
جالبی تعریف بوکودی؟! خوب دحرف نوا زعن-من تا ته بفهمستام چی
به چی یا؟!بوگوفت معلومه ده-زناک باغ وبجارا بوفروخت بامو-قریب
پونزده ساله-مره هایا-عیسامه-دوتا می طفلان دانشگاه درس خوان
د-یکی دوتا هم -دبیرستانی عی سد-شو؟!می زنانه کی خنگه خنگه
-تااخر گواهینامه رانندگی نتانست فاگیره-عی تا پراید صد وچهل
یک صفر دارم-پارکینگ خانه نها..گاهی گداری می پیلا دختراوشانا
-اوسانه بوبوره بیرون گردش -یا خودوستان خانه-یاعروسی -جایی؟!
!تارک سفیدی کله سحر ایم بیرون-هوا تا تاریکا نوبو.ستا نوشم خانه
-هم زاکان عادت بوکودایید هم من؟!چی بوکونم بلا می سر زندگی خرج
داره واسی زحمت بکشی وگرنه تی کلاه پس معرکه یه؟!چند مدتی
-ابرو میشین کی چهارده پونزده سال پیش بنام دیمه؟!دوما"من کاری
به کسی نارم-می آزارم به مورچه نرسه-نه به ناموس کسی چوم دارم
نه دزدی کودان درم--کاره-کارم کی عار نیه؟!عیتا نقشه می کله درون
دره-کی دولت بایه-گداهانا-سامان دهی بوکونه--مخصوصا" گدایی مثل
مرا-کی عادت به کاربوکودیم-هزارم کی بی نیازم ببیم دس کشیدن
امی ره مقدورنیه؟!دولت بایه-امرا-جاو مکان مشخصی فاده دور وبرحرم
-کامپیوتر وتشکیات بداریم-سایت وپایگاه بداریم-اینترنتی بتانیم-در
سرتاسر کشور-کمکهای نقدی مردما-جذب کودان-انقدر ادم درسرتاسر
مملکت وحتی روستایان-وجود دارد کی پول نذری وتصدق به گدا-اوشانه
دست رو باد بوکوده-ادمشا نارد-کی پولا عی جوری برساند به امان -تا
اوشانه تاودیم داخل پریح -منکی -عاجور پولانا جمعا کونم به مسیولیت
خودم اما دیناری داخل ضریح تانودم-اقا بمیرم امام رضا ره -پولا چی خوایه
بوکونه-اونکی خرج ومخارج ناره؟! صندوقهای مدرن سویدی هم نصب
بوکونیم هرکس کمک حضوری بوکود-اونا-رسید فادهیم -مدرک بداره
مبادا-امان کی دربردن مردم به بهشت نقش بسزایی داریم-روز قیامت
اوشانا کمکا حاشا بوکنیم-چاره ایی نیه-درهر شغلی ادم نخاله هم وجود
داره؟!تازه من تصمیم دارم با چندتا بانک قرارمدار دبدم عابر کارتهم قبول
بوکونم؟!مثل فروشگاههای خدماتی؟! کار واسی طبق فناوری روز پیش
بوشو!ازطرفی امانم امنیت باید بداریم کسی درقیامت الکی امی یقه یا
نیگره کی-خوشانه ثوابا چیره گوما کوداییدا؟!
می حوصله حسابی بسر باموبو-ازطرفی مره دالا بوستابوم اونا-نیگا
کودیم-ازطرفی می رفیق هم اوندوبو--تا-ازجا ویریشتام-همشهری دوکه
بوخورد-اقا کجا؟؟؟؟؟؟؟!هیچ حساب کار تی دست نها؟! دوساعت تمام
-وقتم رو گرفتی؟! یک پنجهزاری هسته ایی باید-کمک کنی بمن
علیلم-ذلیلم-عاجزم-بچه هام گرسنه هستند-الهی بری زیارت کربلا-الهی
سالم به مقصد برسی-الهی زن وبچه ات محتاج نامرد نشن-الهی به درد
لاعلاج مبتلا نشی-الهی ؟!
بوگفتام بوشو-بوشو-همینقدر کی ترا تحویل ماموران ندهم خدارا شکر
بوکون پررو؟!هرصبحانه ده سیخ جگر گویی خورما-۰من نان وپنیرم نتانم
بوخورم با این حقوق بخور ونمیر؟!تو پراید صدو چهل ویک صفر داری-
-من پیکان جوانان مدل ۵۳-تی طرح سامان دهی دوسال حبس داره
( پایان)
