زندان -""تنگه خوله جا""
تنگه خوله جا-زندان
=========================(۱)
------------------------------------------
هئ سه(هست)- زندان ئی تا تنگه خوله (سوراخ) جا
کولش کن(مرغ مادر)- با خروس -سوگولی کیجکا
ناره دوغ ودوشاب با هم تفاوت
کلاچ وکیشکرد -بولبول وزوزا
دره... لات ماشین شور ...وگدا خان
یوخا (کم عقل)..حاجی بلوچ وشم شم آقا
ئی سه کور وکچل زیمبل وزیمبو
تی زاک سرامال(هم سن) عمره می بابا
ئی چوسکی آدمو شنگول ومنگول
هتوپیروجوان خوش قدورعنا
نقاش ومطرب وخطاط وشاعر؟!
ئی سه زندان برار جنگل مولا
جه قاضی خبره تر-تیج تر- جه مامور
چیه زندان ئی تاپیله دانشگا
ئی تا لنگه آغوذ اوی تا اناره
دولنگه با سه لنگه ئی سه همرا
خیارو مرغانه زندان شامه
ئی سه صبحانه یم ماست ومربا
ئی سه دوزد ودغل شاخدارو جانی
شریک سفره وتخت ومتکا......
اویا بنگ وحشیش تاشیره خیکی
ئی سه فت وفراوان مثل حلوا؟!
تریاکی -گردی و-سیگاری-بنگی
کونیدصب تا غروب باهم مرافا
======================(۲)
****************************دوباره مثنوی
داره زندان چهارتا فرقه حبس کش
ئی دسته بلانسبت خیلی جاکش ؟!
ئی سیدیک جرگه یم جانی وشاخدار
دانید زندانه ارثی از پیر ومار..........!!!
ئی دسته توبه کارید وپشیمان
خورید زندانه جابا خون دل نان
ئی دسته بیگناهه بی گناهید...........
دقیقا ظلم قاضی یا گواهید.
ئی سید قربانیه آه پیرومار
به نفرین تهمت(ناحق گرفتار)
----------------------------------
======================(۳)
داره زندان سه تا فرقیه نماز خوان
دراز خوان وکوتا خوان ومسلمان
دراز خوانان نمازه نافله خوان
به تشویق مدیر داخله خوان
کوتا خوان ظاهرا به پیش مردم
نمازا خشکه خوانه راه کونه گم
خایه شورا ببه تندتند شومسجد
گویه واعظ بوقبلا خوپدرجد
نماز واقعی خوانم زیاده
سرموقع خوانیدی صاف وساده
تونم ازیک قماشی جانه قارداش
نوبو زور کسی تی قارداشه باش
نوکوشتی آدمو نیئ نزول خوار
ئی سی تریاکیو شیره خوره زار
-------------------------------------
======================(۴)
داره زندان خوره اوستا وشاگرد
تی اوستا فن- اوشاگردچمیش بند؟!
دخه تعلیم ترا استاد زندان
به کشی تا تی حبسا شاد وخندان
کونی روزای اول گریه زاری
بوخدجانه رفیقان هم فراری
تی خرمایا بوخورده مردونامرد
بیگیفه ختم وهفت وچل وسالگرد
نیه هیچ کس به دادتوبرسه
خوایه مرداک کی خوحبسا جرسه
زن وبچه بخایه ازتوخرجی
بوگو خرج شومان آخر بمن چی؟!
شومه خرج فادم سی سال واندی
می خرجا وافادین ده سال وچندی!!!
-------------------------------------------------
======================(۵)
ناهار وشام صبحانه سره وقت
جه خرج وبرج بیرون تی خیال تخت
دومترم اون طرفتر ئی سه حمام
ئی سه حاضر تی لنگو هوله وجام
اگر یک لحظه تی حال ببه ناجور
آیه فی الفوردکتر تی سره جور
گیره هرروز مامور از تو آمار
دخه سالم ترا تحویله همکار
اگرتی تاره مویا شخصی اوسانه
دولت خوماموره پیرا سوجانه
------------------------------
چهارسالا-- به کی شائی (کشیدی)- دم در
بوبو شامل شومارا عفوه رهبر
بی شی - بیرون بیدی زندگی سهله؟؟!
گرفتاری ترا مردان واناله
خداوندا هزار رحمت به زندان
پیلا زندان بوبسته کل گیلان
پیسه تقی بوبوس رئیس شورا
ترا-گویه بیا سربده هورا
ئی سه واجب ترا کی رآی بدخی
دخیل سرنوشت خود ببوخی
گویی من ده-ندارم سرنوشتی
ده غرقا بوسته بی لنگر مه کشتی
خودت هورا بکش با- ان خلایق.....
نانی مگر خلایق هرچی لایق؟!
می هف جدا بسه اوی دفا هورا
بوبو-پیسه تقی رئیس شورا
تی دیل خوایه بشی دوباره زندان
او دانشگاه کونه-- آدمه حیوان
سروده روشن فومنی اسفندماه ۱۳۷۸بجنورد
+
نوشته شده در جمعه بیست و نهم بهمن 1389ساعت 17:45 توسط روشن فومنی(طرح تصاویر:زنده یادگلشید)
|
| 
